Onde viven os monstros é unha historia clásica sobre a nenez e os lugares aos que imos para descifrar o mundo no que vivimos.
A película conta a historia de Max, un neno traveso e sensible que se sente incomprendido na casa e escapa a un lugar onde viven os monstros. Max aterra nunha illa onde se encontra con misteriosas criaturas estrañas cuxas emocións son tan salvaxes e imprevisibles como as súas accións.
Os monstros desexan desesperadamente ter un líder para guialos, igual que Max anhela un reino no que reinar. Cando coroan a Max, promete crear un lugar no que todo o mundo sexa feliz.
Pronto descobre Max que non é tan doado reinar no seu reino e que as relacións alí son máis complicadas do que nun principio parecían.